Denne 46-åringen spring lengst for Velledalen IL

Han kjem frå Deknepollen, heiter Hilmar Kråkenes, og spring lengst for Velledalen IL i 2024.

Det vil seie; kan nokon dokumentere at dei har sprunge lenger enn Hilmar i konkurransar for Velledalen IL i 2024, godtek vi det. Og vedkomande vil automatisk vere kvalifisert til omtale på VIL-nettsida!

Per 4. desember har Hilmar 308 km i konkurransar for Velledalen IL i 2024. Han planlegg å delta i Nyttårsmaraton i Ålesund 29.desember. Vert distansen der heilmaraton, vert samla godkjend distanse i 2024 særdeles fine 350 km i konkurransar. I tillegg har Hilmar sprunge sitt eige «løp for psykisk helse» på 105 km. Det gjorde han dagen etter nasjonaldagen, altså 18.mai. Hilmar sitt løp for psykisk helse skal Velledalen IL støtte under Idrettsgallaen 29.desember.

Hilmar si liste over fullførte konkurransar for Velledalen IL i 2024 (km-tal avrunda):

20.april: Valderøya Rundt – 9 km

1.mai: 1.mai-løpet Åheim – 3 km

8.juni: Ålesund maraton – 42 km (2.48.44)

22.juni: Fyr til fyr, Fosnavåg – 44 km

13.juli: Sunnfjord Ultra – 53 km

27.juli: Hornindal maraton – 42 km (2.53.56)

24.aug: Nordvest maraton – 42 km (2.56.16 – KM-tittel)

25.sept: Sommarløp Vasstranda – 10 km (35.48)

5.okt: Gloppen halvmaraton – 21 km  (1.18.05)

19.okt: Sogndal maraton – 42 km (2.52.00)

Elles melder Hilmar at tilbakelagt distanse under løp/trening i 2024 vert om lag 7500 km.

Berre året 2020 er betre, då med kring 8100 km