Fin trimpost-vekst siste år

2044 fleire noteringar i bøkene i 2024 enn i 2023 – men langt unna korona-nivå.

Beste resultat på trimpostane etter vi fekk 15 postar, var året 2021 med 19 460 noteringar. Åra 2022 og 2023 vart ganske svake med resultat på 12 000-talet begge åra, før vi fekk eit flott oppsving med 14 390 siste året – opp 2044 noteringar i høve til året før. Eit flott resultat!

I perioden 2009 til 2013 var det stabilt mellom 14-15 000 noteringar, trass i at Velledalen IL då hadde berre 13 postar. I 2013 kom posten på Brunstadkølen med i det gode selskap, medan skogsvegen Straumsheim fyrst kom med i 2021.

Besøket på dei ulike postane har variert ganske mykje gjennom åra, medan andre held seg relativt stabile. Størst variasjon finn vi her:

Skogsvegen Fet: Beste år 2012 med 1487 noteringar – svakaste år 2022 med 127 signeringar

Skogsvegen Drabløs: Beste år 2021 med 1865 noteringar – fattige 70 i 2011.

Regndalen: Beste år 2014 med 967 signeringar – svakast i 2022 med 190 namnetrekk.

Den mest stabile posten har vore Riksheimdalen med 1958 signeringar i boka som best i 2014, medan det var 1140 som svakaste resultat i 2023. Trimposten i Riksheimdalen har alle åra statistikken har vore ført (frå 2009) halde seg mellom 1140 – 1958. Reknar ein avvik i prosent fylgjer postane på Vellesætra og i Holemarka nærast Riksheimdalen i stabilitet.

Så er det berre å vone at sesongen som strekkjer seg frå oktober 2024 til oktober 2025 vert god. Mange har kome godt i gang.

NB! Premiane for siste trimsesong vert delt ut under Velledalen IL sin Idrettsgalla i Straumgjerde sundag 29.desember. Innkalling vil kome.