Konradløp-påmeldinga opnar for full styrke komande veke

Lars Inge Sæther har lova at påmeldinga til Konradløp nummer 22 skal vere på føtene veka vi går inn i.

Det er meldt ruskevêrs-veke. Då kan eit ørlite lyspunkt i alt det grå, vere å melde seg på til det komande Konradløpet. Som vanleg vert hovudløpet arrangert 1.mai. MiniKonrad vert arrangert siste sundag før, altså 27.april.

Etter at startkontingenten har stått uendra i meir enn ti år, stig prisane ørlite dette året. Startkontingenten for born aukar frå 100 kroner til 125, for vaksne aukar den frå 200 til 250,- medan familiekontingenten stig frå 400,- til 500 kroner. Frukost vert som før inkludert. Det same vert 3 års premie, 6 års premie, 10 års premie, 15 års premie og 20 års premie. Vidare vert ALLE deltakarar med i trekninga av store premiar. Dei fyrste gåvene er alt melde inn – fleire vil kome. Som før reknar vi med at ein kvilestol av god kvalitet vert gjævaste premien.

For å få ein god start på påmeldinga køyrer vi ut ein premie for rask påmelding, innan 1.februar. Denne datoen er det tre månadar att til løpet, og 15 prosent at det totale deltakartalet bør ha meldt seg på. Som før er det gratis deltaking til alle med Konrad som føre- eller mellomnamn, og til alle personar over 90 år.

Gi livet eit løft – fullfør Konradløpet, kan vere ein høveleg invitt til verksemder, lag og organisasjonar!

I Konradløpet er ikkje farta det viktigaste – i 2024 hadde vi for fyrste gong meir enn ti deltakarar over 80 år!

Målet for 2025 er å vere på same nivå – minst!