Meir ekstremsport frå Kinn i Vestland fylke

Intervalldrag på 2 x 30 kilometer, etterfylgd av nedjogg på 15 km er sjeldan «vare».

Vi skreiv tidlegare at januar var ein typisk treningsmånad. Slik også for Hilmar Kråkenes, vår mann som skal springe Oslo-Bergen i løpet av 2025 ein gong. Uansett ei kraftprøve som krev førebuingar, som alt er i godt gjenge.

Anna kan ein ikkje seie all den tid Hilmar hadde lagt ut dette på Strava sist helg:

• Intervall: 30 km X 2 (to timar pause mellom draga) + 15 km nedjogg

Altså ein totaldistanse på 75 km.

Vidare på Strava kjem han med ei takk:

• Takk til Odd Martin Øvrebø, Eirik Silden og Stian Lauritzen som delte opp øktene sine, slik at eg hadde nokon å jogge med nesten alle kilometerane!

Ikkje uventa fekk Hilmar ei rekkje kommentarar på Strava. Her er nokre av dei:

• Galen mann
• Stor idrett
• Lang tur
• Takk for at eg fikk være hare på nedjoggen!
• Laktaten var?
• Wow!
• Du store tid!
• Dette er jo spinnvilt!
• Det kalla vi langintervall
• Vanvittig imponerande
• Mest ikkje til å tru
• I himmelens namn, mann!