Fin innsats av Olav Brunstad i Stenfjellrunden

Vart nummer fire i klasse M 70-74 år på tida 3.44.04

Olav gjekk lengste løypa på kring 42,5 kilometer. Altså eit maratonløp i lengde. Rennet hadde eit kortare alternativ, men dei klart fleste av dei kring 500 påmelde gjekk lengste løypa.

Olav vart altså nummer fire i klasse M 70-74 på tida 3.44.04. Klassevinnar vart Per Solbakken, Lillehammer Skiklubb, på tida 2.32.12.

Rennet sin totalvinnar, Henning Lie, Vang Skiløperforening, brukte 1.51.18. Beste kvinne, Maren Engeskaug Nielsen, Team Kaffebryggeriet Driv, kom inn på 2.05.25.

Så vidt vi veit vart Olav Brunstad med dette fyrstemann som representerte Velledalen IL i skirenn i året 2025 – gratulerer!