Ålesund Vinterkarusell: Siste løp komande laurdag

Gratis deltaking for alle med betalt kontingent i Velledalen IL 2025.

Siste løpet i Ålesund Vinterkarusell vert arrangert laurdag 8.mars, med start klokka 14.00 i Fremmerholen (Spjelkavik). Det er valfritt om ein spring 5 km eller 10 km. Alle startar i same fellesstart.

Karusell-løpa kan nyttast til så ymse. Somme nyttar løpa som ein test av eiga form, medan andre ser løpa som eit ledd i trenings-opplegget. Dessutan kan forholda variere ganske så mykje frå gong til gong. Komande laurdag vert altså karusellen avslutta, med premiering for alle utøvarar med tre eller fleire startar. Velledalen IL har ganske mange slike.

Friidrettsleiar i Velledalen IL, Alf Petter Bøe, minner om at alle som har betalt medlemskontingent for 2025, får startkontingenten refundert av kasserar Tormod Klokk. Bøe håper at mange av dei trufaste stiller, men også at yngre utøvarar skal ta løpet som ein liten formtest. I dei fire hittil avvikla løpa har Velledalen IL hatt med 13 ulike løparar, alle menn. Difor er kvinner særskildt velkomne til siste løpet

Etter løpet og premieutdeling, vert det sosial samling på Milano i Spjelkavika, for dei som har tid.