Andreas sprang Campus-løpet i Ålesund

Eit løp med støtte til Redd Barna si helsehjelp til born i Gaza.

Løpet var for studentar og lærarar ved NTNU i Ålesund, arrangert laurdag 5.april. Målet med løpet var mellom anna å støtte opp om Redd Barna si helsehjelp til born i Gaza. Ein kunne velje mellom to løyper, 5 eller 21 km, i eit løp som samla kring 85 deltakarar.

Ein kjend kar i Velledalen IL, Andreas Nakken, var mellom deltakarane på den lengste distansen. Etter lang tid med lite trening og få konkurransar, var Gyls-guten klar for ein real form-test. Den stod han med glans etter 1.26.27 i den lengste løypa (ca halvmaraton).

    VIL-Nett får meldt at Andreas var godt nøgd med løpet, etter tre rundar i ei ganske tung løype, på ein solfylt dag. Godt jobba, Andreas!